THIRRJE PËR TRAJNIM:
Të rinj nga Lugina e Preshevës

Thirrje për Pjesëmarrës në Serinë e Trajnimeve: "Njih të Drejtat dhe Përfaqëso Komunitetin Tënd"

🌟 Jeni të rinj nga Lugina e Preshevës dhe dëshironi të bëheni zëri i ndryshimit? Kjo është mundësia juaj për t'u fuqizuar me njohuri dhe aftësi për të përfaqësuar dhe mbrojtur të drejtat e komunitetit tuaj!

📚 Rreth Trajnimeve:
Seria e trajnimeve tona është dizajnuar për të ndihmuar të rinjtë shqiptarë të moshës 16-29 vjeç nga Presheva dhe Bujanoci të mësojnë më shumë për:

• Të drejtat e pakicave dhe rëndësinë e Planit 7-pikësh.

• Aktivizmin qytetar dhe avokimin në komunitet.

• Rrugët për përfaqësim më të mirë në institucionet publike.

• Çështjet kyçe ekonomike dhe shoqërore që prekin komunitetin shqiptar në Serbi.

👥 Pse të merrni pjesë?

• Pajisuni me njohuri të rëndësishme për të drejtat dhe mundësitë tuaja.

• Përfshihuni në diskutime interaktive me ekspertë dhe bashkëmoshatarë.

• Ndikoni në përmirësimin e përfaqësimit dhe fuqizimit të komunitetit tuaj.

• Merrni certifikatë pjesëmarrjeje dhe bëhuni pjesë e një rrjeti të fuqishëm të rinjsh aktivë.

📝 Kush mund të aplikojë?
Të rinjtë e moshës 16-29 vjeç nga Presheva dhe Bujanoci, të motivuar për të kontribuar në fuqizimin e komunitetit shqiptar dhe pjesëmarrjen aktive qytetare.

📅 Afati i aplikimit: 5 shkurt 2025.
📍 Hapësira për aplikim: https://forms.gle/DVjRR6DrCP5pXXb57

💬 Për më shumë informacione: Na shkruani në info@institutimozaik.org ose vizitoni faqet tona të rrjeteve sociale në linktr.ee/instituti.mozaik.

Fuqizoni zërin tuaj, njihni të drejtat tuaja dhe kontribuoni për një të ardhme më të mirë! 🌟

📌 Ky aktivitet mbështetet si pjesë e projektit "Empowerment of Albanian youth and improvement of integration into Serbian society," i zbatuar nga Civic Initiatives dhe financuar nga Qeveria e Mbretërisë së Bashkuar të Britanisë së Madhe dhe Irlandës Veriore përmes Fondit për Konflikt, Stabilitet dhe Siguri (CSSF). Përmbajtja e saj është ekskluzivisht përgjegjësi e Institutit Demokratik Mozaik dhe nuk pasqyron domosdoshmërisht qëndrimet e Qeverisë së Mbretërisë së Bashkuar të Britanisë së Madhe dhe Irlandës së Veriut apo të Gradjanska Inicijative.